Sanxenxo 365 días diferentes

Sanxenxo

A natureza foi moi xenerosa con Sanxenxo. A súa privilexiada situación na ría de Pontevedra e mais a súa orientación ao sur xeran unha temperatura media anual de 15 graos, o que favorece outonos e invernos moi suaves.

Ao longo dos seus 36 km de costa, nas rías de Pontevedra e Arousa atopamos 22 praias separadas por puntas rochosas con magníficas vistas das rías e o Parque Nacional das illas Cíes, Ons e Sálvora.

Sanxenxo busca a excelencia como avalan os seus 50 “Q” de calidade e as 28 bandeiras azuis: 17 praias, 6 sendeiros de costa, 2 portos deportivos, 2 clubs náuticos e o Centro de Interpretación da Telleira.