Igrexa de Santo Estevo de Noalla

É a máis ampla e monumental das igrexas de Sanxenxo que se ergue no medio dunha mesta vexetación verde. A súa situación privilexiada outórgalle unhas magníficas vistas á ría de Pontevedra.

O edificio conserva restos románicos, na fachada principal ten arquivoltas apuntadas e remodeladas. No tímpano hai un calvario do século XVIII. No seu lado esquerdo un monumental campanario, tamén do século XVIII, albisca o amplo horizonte da Lanzada.