Pazo de Quintáns

Construído no século XVII a partir dunha torre que se remonta ao século XV. O edificio de dúas plantas e en forma de “L” conta cunha galería de madeira coas mellores vistas que un poida imaxinar das rías de Arousa e Pontevedra. A edificación está rodeada por un magnífico muro de perpiaño de granito moi ben traballado que rodea o terreo de 10 000 m2. Outros elementos de interese son unha capela do s. XVII e un hórreo grande.

É propiedade do concello e rehabilitouse integramente hai pouco para destinalo a Centro da Cultura Gastronómica das Rías Baixas.