Sanxenxo dispón dunha ampla oferta de tratamentos de saúde e benestar. Máis de 20 000 m2 de instalacións distribuídos en distintos establecementos hostaleiros e un grande equipo de profesionais da saúde e do benestar que inclúe médicos, fisioterapeutas, masaxistas, nutricionistas, adestradores persoais e psicólogos.
O cliente recibe o tratamento máis axeitado ás súas necesidades. Entre os servizos que pode solicitar destacan a talasoterapia, spa, saunas, masaxes terapéuticas, antiestrés, tratamentos corporais e faciais, envolturas e adestramentos persoais.