Igrexa de San Xenxo

No 1670 trasladouse desde o lugar de Aldariz á vila de Sanxenxo. É de “estilo mariñeiro”, característico das ordes mendicantes dos séculos XIV - XVI. A súa planta é rectangular, cunha ábsida máis estreita que a nave e dúas capelas aos lados que forman os brazos da cruz: a capela de San Xosé (1688) e a de Purificación (1710).

Na súa fachada está a Virxe do Carme con auréola en forma de vieira. Máis arriba un rosetón e unha sinxela cruz de pedra labrada. Neste templo venérase á Virxe do Carme, san Xenxo e santa Rosalía de Palermo (ermitá avogada contra a peste, representada nunha talla de madeira).