Igrexa de San Pedro de Bordóns

Capela do século XVIII, dunha soa nave rectangular dividida en tres tramos con contrafortes exteriores. Dentro do templo hai unha pía bautismal románica.

Na fachada principal sobresae unha espadana e varios pináculos de ornamentación que coroan tamén as esquinas do templo.

Cómpre destacar dous linteis de baldaquino á entrada do camposanto que circunda a igrexa. O da dereita ten dous arcos conopiais con bólas e flores e unha representación do enterro de Cristo. O da esquerda representa a san Sebastián atravesado por seis frechas lanzadas por dous arqueiros que hai en ambos os dous extremos.